Рэспубліканская акцыя "Беларусь памятае"!

Дзень Перамогі - адзін з самых паважаных святаў у суверэннай Беларусі. У гэтыя ўрачыстыя дні ў кожнай беларускай сям'і ўспамінаюць усіх тых, хто абараняў нашу Радзіму не толькі на фронце, але і ў тыле. Гэта людзі, чыё жыццё ў гады Вялікай Айчыннай вайны стала прыкладам мужнасці, стойкасці, самаахвярнасці і барацьбы за росквіт нашай Радзімы, за жыццё новых пакаленняў. І зараз мы, удзячныя нашчадкі, аддаём ім гонар і хвалу!

Віншуем ветэранаў і ўдзельнікаў ВАВ, усіх жыхароў і гасцей сталіцы з Вялікім святам - ДНЕМ ПЕРАМОГІ!

Да 75-годдзя вызвалення нашай краіны ад нямецка-фашысцкіх захопнікаў, Белтэлерадыёкампанія падрыхтавала серыю відэаролікаў "Беларусь памятае".

У іх Вы ўбачыце гістарычную рэканструкцыю падзей Вялікай Айчыннай вайны, напоўненую праўдападобнымі выбухамі і перастрэлкамі. Героі кароткіх відэагісторый - нашы сучаснікі, якія, дзякуючы здымкам ў 360 градусаў і адмысловай студыі з хромакеем памерам 300 квадратных метраў, пераносяцца з сучаснасці ў гады вайны.

У здымачным працэсе былі задзейнічаныя рэальныя героі - унукі і праўнукі ветэранаў вайны, а таксама прафесійныя акцёры і артысты масоўкі. Агенцтва тэленавінаў прадаставіць магчымасць не толькі сваякам ветэранаў, але і гледачам адчуць, наколькі гераічным і важным быў подзвіг іх дзядоў і прадзедаў, ацаніць маштаб і трагедыю вайны. Дзеці франтавікоў акунуцца ва ўспаміны і, нібы на машыне часу, адправяцца ў часы свайго юнацтва.

 

Выдавецкі дом "БЕЛАРУСЬ СЁННЯ" таксама падрыхтаваў спецпраект, прысвечаны 75-годдзю вызвалення Беларусі ад нямецка-фашысцкіх захопнікаў.

Гэты праект не толькі раскажа пра пачатак самай кровапралітнай вайны ХХ стагоддзя, аб першых яе днях, барацьбе з няроўнымі сіламі захопнікаў, пераможных аперацыях па вызваленні Беларусі имногом, у чым іншым. Таксама спецпраект дапаможа Вам захаваць для нашчадкаў і Вашы ўспаміны пра герояў Вашай сям'і!

Не заставайцеся ўбаку - прыміце ўдзел у Рэспубліканскай акцыі "Беларусь памятае" і іншых святочных мерапрыемствах!