Усе заробленыя ў дзень правядзення рэспубліканскага суботніка грашовыя сродкі будуць пералічаны праз раённыя і гарадскія выканкамы ў аблвыканкамы і Мінскі гарвыканкам у парадку, устаноўленым Міністэрствам фінансаў і будуць накіраваны ў памерах:
- 30 % - у распараджэнне аблвыканкамаў і Мінскага гарвыканкама - на рэканструкцыю, аднаўленне і бягучы рамонт мемарыяльных комплексаў, месцаў баявой і воінскай славы;
- 70 % - праз Міністэрства фінансаў будуць пароўну падзелены і накіраваны:
- Гомельскаму аблвыканкаму - на выкананне работ на мемарыяльным комплексе "Дзецям - ахвярам вайны", звязаных з рэканструкцыяй будынка санітарна-бытавога прызначэння пад будынак інфармацыйнага абслугоўвання наведвальнікаў мемарыяльнага комплексу ў н.п. Чырвоны Бераг Жлобінскага раёна, уладкаваннем сістэмы відэаназірання мемарыяльнага комплексу;
- Брэсцкаму аблвыканкаму - на стварэнне рэспубліканскага цэнтра патрыятычнага выхавання моладзі на базе Кобрынскага ўмацавання Брэсцкай крэпасці з магчымасцю выкарыстання гэтых сродкаў у 2024 - 2026 гадах.
Аб'ёмы грашовых сродкаў, якія падлягаюць пералічэнню, вызначаюцца работнікамі добраахвотна. Утрыманне наймальнікамі грашовых сродкаў з заработнай платы работнікаў, для якіх 20 красавіка 2024 г. з'яўляецца рабочым днём, праводзіцца з іх згоды ў памерах, якія вызначаюцца добраахвотна самімі калектывамі работнікаў.
Згодна з пастановай №277 бесперабойную работу пасажырскага транспарту 20 красавіка 2024 г. даручана забяспечыць Міністэрству транспарту і камунікацый, аблвыканкамам і Мінскаму гарвыканкаму, а асвятленне ў СМІ ходу падрыхтоўкі і правядзення рэспубліканскага суботніка - Міністэрству інфармацыі.